ایک فلسطینی قیدی کی درد بھری دستان
اسرائیل کی فلسطینیوں کی بڑے پیمانے پر گرفتاریوں کا مقصد ہماری حوصلہ شکنی کرنا ہے۔ انس ابو سرور جب میں واپس آ رہا تھا، میں نے اپنی بیوی کو فون کیا تاکہ اسے بتا سکوں کہ میں گھر آ رہا ہوں اور کھانا بھی لا رہا ہوں۔ میں نے پس منظر میں اپنے بیٹے کے رونے کی آواز سنی۔ اس کی چیخیں اگلے آٹھ مہینے تک میرے ذہن میں گونجتی رہیں۔ چیک پوائنٹ پر، اسرائیلی فوجیوں نے مجھے گاڑی سے باہر نکالا، ہتھکڑی لگائی، آنکھوں پر پٹی باندھی اور پانچ گھنٹے تک مجھے ایک فوجی کیمپ میں گھٹنوں کے بل بٹھائے رکھا۔ مجھے ایک کیمپ سے دوسرے کیمپ منتقل کیا گیا یہاں تک کہ آخر کار مجھے حبرون میں ایک غیر قانونی یہودی بستی کے حراستی مرکز میں بھیج دیا گیا۔ مجھے وکیل یا اپنے خاندان سے رابطے کی اجازت نہیں دی گئی، باوجود اس کے کہ میں نے بار بار درخواست کی۔ دو مہینے کی قید کے بعد، آخر کار میں ایک وکیل سے بات کر سکا اور معلوم ہوا کہ مجھ پر کوئی الزام نہیں تھا۔ میں انتظامی حراست میں تھا - یہ ایک قانونی طریقہ ہے جو فلسطینی آبادی پر لاگو ہوتا ہے اور اسرائیلی قبضے کی فوجوں کو اجازت دیتا ہے کہ وہ جسے چاہیں من مانے طریقے سے حراست میں لے لیں۔...